Яко по суху пешешествовав Израиль, по бездне стопами, гонителя фараона видя потопляема, Богу победную песни поим, вопияше. В
|
Скачать 45.26 Kb.
|
| Канон усопшым, творение Феофаново, глас 6. Песнь 1. Ирмос: Яко по суху пешешествовав Израиль, по бездне стопами, гонителя фараона видя потопляема, Богу победную песни поим, вопияше. В Небесных Чертозех всегда доблии мученицы молят Тя, Христе, ихже от земли преставил еси верныя, вечных благ получити сподоби. Украсивый всяческая, животное смешенное мя человека, посреде смирения же вкупе и величества создал еси: темже раб Твоих душы, Спасе, упокой. Слава: Рая жителя, и делателя в начале мя учинил еси: преступивша же Твою заповедь изринул еси. Темже рабов Твоих душы, Спасе, упокой. И ныне: Иже от ребра Создавый Еву первее нашу праматерь, из Пречистаго Твоего чрева в плоть одевается: еюже смерти крепость, Чистая, разрушил есть. Песнь 3. Ирмос: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего. Законно пострадавше Твои мученицы, Жизнодавче, и венцы победы украсившеся от Тебе, прилежно преставльшымся верным вечное ходатайствуют почестие. Наказав прежде многими чудесы и знаменьми мене заблуждшаго, напоследок Самого Себе истощил еси, яко Сострадателен: и поискав, обрел и спасл еси. Слава: От текущаго непостоятельныя тли, к Тебе пришедшыя, в селениих вечных вселитися радостно сподоби, Блаже, оправдав верою же и благодатию. И ныне: Несть непорочны, якоже Ты, Пречистая Богородице: Едина бо от века Истиннаго Бога зачала еси во чреве смерти Разрушившаго силу. Песнь 4. Ирмос: Христос моя сила, Бог и Господь, честная Церковь благолепно поет, взывающи, от смысла чиста о Господе празднующи. Премудрости большее являя познание, и о дарех многосовершенную, Владыко, благостыню, мученическия лики Ангелом сочетал еси. Пречистую славу Твою получити сподоби к Тебе преставленным, идеже, Христе, веселящихся есть жилище, и глас чистаго радования. Слава: Поющыя приими Божественною державою Твоею, ихже от земли прият, чада свету тех соделав, греховную мглу очищая, Многомилостиве. И ныне: Приятелище Пречистое, Церковь Непорочную, Ковчег Всесвят, Девственное место священия, Тебе доброту Иаковлю Владыка избрал есть. Песнь 5. Ирмос: Божиим светом Твоим Блаже, утренюющих Ти душы любовию озари, молюся: Тя ведети, Слове Божий, Истиннаго Бога, от мрака греховнаго взывающа. Яко всеплодие священное, и яко начаток человеческаго естества, мученицы, Прославленному принесшеся Богу, нам спасение присно ходатайствуют. Небеснаго пребывания и раздаяния дарований сподоби, Господи, прежде усопшыя верныя рабы Твоя, подая прегрешений избавление. Слава: Иже Един естеством Животворец, иже благости воистинну неизследимая пучина, скончавшияся Царствия Твоего сподоби, Щедре, Едине Безсмертне. И ныне: Крепость и пение, Иже из Тебе, Владычице, мiру Рождейся, и Спасение бысть погибшым, иже от адовых врат избавляя верою Тебе блажащия. Песнь 6. Ирмос: Житейское море воздвизаемое зря напастей бурею, к тихому пристанищу Твоему притек вопию Ти: возведи от тли живот мой, Многомилостиве. На Кресте пригвождаемь, мученическия лики к Себе собрал еси, подобящыяся страсти Твоей, Блаже, темже Тя молим: к Тебе преставленныя упокой. Неизреченною славою Твоею, егда приидеши страшно судити мiру всему на облацех, благоволи, Избавителю, светло срести Тебе, яже от земли приял еси верныя рабы Твоя. Слава: Источник Жизни Сый, Владыко, в мужестве Божественнем, окованныя изводя рабы Твоя яже к Тебе верно отшедшыя, в пищи райстей всели. И ныне: В землю возвратихомся, преступивше Божию заповедь: Тебе же ради, Дево, на Небеса от земли вознесохомся, тлю смертную оттрясше. Песнь 7. Ирмос: Росодательну убо пещь содела ангел преподобным отроком, халдеи же опаляющее веление Божие мучителя увеща вопити: благословен еси Боже отец наших. Избавльшиися Твоею кровию мученицы перваго преступления, окропившеся же своею кровию, прообразуют яве Твое заколение, благословен еси, Боже отец наших. Свирепеющую пещь умертвил еси, Слове Живоначальнейший, в вере же Твоей усопшыя приими, Тебе поющыя, Христе, и глаголющыя: благословен еси Бог отец нашых. Слава: Воодушив мя, человека, вдохновением Божественным, Богоначальнейший Владыко, преставленныя Царствия Твоего сподоби, пети Тебе, Спасе: благословен Бог отец нашых. И ныне: Превышшы всех тварей, Пренепорочная, была еси, заченши Бога, Сокрушившаго смертная врата, и вереи Стершаго. Темже Тя, Чистая, песнословим, вернии, яко Богоматерь. Песнь 8. Ирмос: Из пламене преподобным росу источил еси, и праведнаго жертву водою попалил еси: вся бо твориши Христе, токмо еже хотети. Тя превозносим во вся веки. Крепко подвиги показующе, победы венцы приясте, мученицы страстотерпцы, Христови зовуще: Тя превозносим, Господа, во веки. Священно верныя житейская оставльшыя, и к Тебе, Владыце, отлучившыяся приими кротко и упокой, яко Милосерд, Тя превозносящых Господа во веки. Слава: Ныне на земли кротких всем водворятися прежде усопшым, Спасе, благоволи, верою Твоею оправдав и благодатию, Тя превозносящих Господа во веки. И ныне: Блажим Тя вси, Преблаженная, яко Слово воистинну Сущее Блаженное Рождшую, плоть бывшее нас ради, Егоже превозносим во вся веки. Песнь 9. Ирмос: Бога человеком не возможно видети, на Негоже не смеют чини ангельстии взирати: Тобою же Всечистая, явися человеком слово Воплощенно, Егоже величающе, с небесными вои Тя ублажаем. Надежда мучеников лики укрепи, и к Твоей любви воспалением впери, будущий сим предвообразивше непоколебимый воистинну покой: егоже преставленныя, Блаже, верныя сподоби. Светлое Твое, Христе, и Божественное улучити сияние верою преставленным благоволи, иже в лонех Авраамовех покой, яко Един Милостив, тем даруя, и вечнаго сподобляя блаженства. Слава: Иже Сый Естеством Благ и Милосерд, и Хотитель милостей, и благоутробия Пучина, ихже от места сего озлобления и сени смертныя преставил еси, идеже сияет Твой Свет, Спасе, Тех учини. И ныне: Сень святую, Чистая, вемы Тя, и Ковчег, и Скрижали, закона и благодати: Тебе бо ради оставление даровася, оправданным кровию Воплощеннаго из Твоего чрева, Всенепорочная. |
Добавить документ в свой блог или на сайт
Похожие:
 |
Список литературы на лето 6 класс Обрядовый фольклор: колядки, масленичные песни, весенние песни, летние песни, осенние песни |
|
Владимир ковтун цилиндры фараона Рукопись книги зарегистрирована в Северо-Западном филиале Российского авторского общества 02. 1995 г |
 |
Литература 18 века. Г. Р. Державин. Стихотворения: «Памятник» Малые жанры фольклора. Русские народные песни. Исторические песни: «Возвращение Филарета», «Царь требует выдачи Разина», «Солдаты... |
|
1. Древнегреческий фольклор и мифология Свадебные песни – гименеи. Из свадеб песни трудами Сапфо – особая форма лирического стихот-ия – эпиталамии. Похоронная – френос (тренос).... |
|
Вадим Егоров: «Для чуда еще место есть» Почетным гостем фестиваля стал классик бардовской песни в России Вадим Егоров. Он рассказал вашему покорному слуге, почему авторская... |
|
1 «До – ми – солька» кружок сольного пения Пение – основное средство музыкального воспитания. Оно наиболее близко и доступно детям. Дети любят петь. Исполняя песни, они глубже... |
|
Государство Израиль как теологическая проблема ... |
|
Борис Миронов Кому в России мешают русские Яко дым истаял шумливый ещё вчера, крикливый кагал хулителей, ненавистников России, все сделались рьяными поборниками России, ревнителями... |
|
Русская литература и история. Интерес русских писателей к историческому... В мире русской народной песни (лирические, исторические песни). Отражение жизни народа в народной песне: «В темном лесе», «Уж ты... |
|
Концепция рава Кука о религиозном значении Государства Израиль Введение:... Два периода еврейской истории: от -14 в до +2 в период Эрец Исраэль; от +3 в до +19 в период Галута |