Приидите, последнее целование дадим, братие умершему, благодаряще Бога: сей бо оскуде от сродства своего, и ко гробу тщится, не ктому пекийся о суетных, и о
|
Скачать 25.3 Kb.
|
| Приидите, последнее целование дадим, братие умершему, благодаряще Бога: сей бо оскуде от сродства своего, и ко гробу тщится, не ктому пекийся о суетных, и о многострастной плоти. где ныне сродницы же и друзи; се разлучаемся: егоже упокоити Господу помолимся. Кое разлучение, о братие; кий плачь, кое рыдание в настоящем часе; приидите убо, целуйте бывшаго вмале с нами: предается бо гробу, каменем покрывается, во тьму вселяется, с мертвыми погребается, и всех сродников и другов ныне разлучается: егоже упокоити, Господу помолимся. Ныне житейское лукавое разрушается торжество суеты. дух бо оскуде от селения, брение очернися, сосуд раздрася, безгласен, нечувствен, мертвен, недвижимь: егоже посылающе гробу, Господу помолимся, дати сему во веки упокоение. Яков живот наш есть; цвет и дым и роса утренняя воистинну. Приидите, убо узрим на гробех ясно, где доброта телесная; где юность; где суть очеса и зрак плотский; вся увядоша яко трава, вся потребишася. приидите, ко Христу припадем со слезами. Велий плач и рыдание, велие воздыхание и нужда, разлучение души, ад и погибель: привременный живот сень непостоянная, сон прелестный, безвременномечтанен труд жития земнаго. далече отбежим мiрскаго всякаго греха, да Небесная наследим. Видяще предлежаща мертва, образ восприимем вси конечнаго часа: сей бо отходит яко дым от земли, яко цвет отцвете, яко трава посечеся, вретищем повиваемь, землею покрываемь: его невидима оставивше, Христу помолимся, дати сему во веки упокоение. Приидите, внуцы Адамовы, увидим на земли поверженнаго, по образу нашему, все благолепие отлагающа, разрушена во гробе гноем, червьми, тлею иждиваема, землею покрываема: егоже невидима оставльше, Христу помолимся, дати во веки сему упокоение. Егда душа от тела имать нуждею восхититися страшными ангелы, всех забывает сродников и знаемых, и печется о будущих судилищей стоянии, яже суеты и многотрудныя плоти разрешении: тогда Судию моляще, вси помолимся, да простит Господь, яже содела. Приидите, братие, во гробе узрим пепел и персть, из неяже создахомся. камо ныне идем; что же быхом; кий убог, или богат; или кий владыка, кий же свободь; и не вси ли пепел; доброта лица согни, и юности весь цвет увяди смерть. Воистинну суета и тление, вся житейская, виды, и безславная: вси бо исчезнем, вси умрем, царие же и князи, судии и насильницы, богатии и убозии, и все естество человеческое: ныне бо, иже иногда в житии, во гробы ввергаются, ихже да упокоит Господь, помолимся. Вси телеснии ныне органи праздны зрятся, иже прежде мала движими бяху, вси недействительни, мертвы, нечувственнии: очи бо заидоша, связастеся нози, руце безмолствуете, и слух с ними: язык молчанием заключися, гробу предается. воистинну суета вся человеческая. Спасай надеющияся на Тя, Мати Незаходимаго Солнца, Богородительнице: умоли молитвами Твоими Преблагаго Бога, упокоити, молимся, ныне преставльшагося, идеже упокоеваются праведных дуси, Божественных благ наследника покажи, во дворех праведных, в память, Всенепорочная, вечную. Слава, глас 6-й: Зряще мя безгласна, и бездыханна предлежаща, восплачите о мне, братие и друзи, сродницы и знаемии: вчерашний бо день беседовах с вами, и внезапу найде на мя страшный час смертный: но приидите, вси любящии мя, и целуйте мя последним целованием. Не ктому бо с вами похожду, или собеседую прочее: к Судии бо отхожду, идеже несть лицеприятия. раб бо и владыка вкупе предстоят, царь и воин, богатый и убогий в равнем достоинстве: кийждо бо от своих дел, или прославится или постыдится. но прошу всех и молю, непрестанно о мне молитеся Христу Богу, да не низведен буду по грехом моим на место мучения, но да вчинит мя, идеже Свет Животный. И ныне, Богородичен, глас тойже: Молитвами Рождшия Тя, Христе, и Предтечи Твоего, апостолов, пророков, иерархов, преподобных и праведных и всех святых, усопшаго раба Твоего упокой. |
Добавить документ в свой блог или на сайт
Похожие:
 |
Александр Коток Беспощадная иммунизация В книге подробно изучаются прививки, как медицинская процедура и, как сложная социальная проблема, по сей день не находящая своего... |
|
Перевод К. Леонов, О. Колесников Он не содержит ни одного слова против чистых учений Иисуса, но нещадно разоблачает их вырождение в пагубно вредные церковные системы,... |
|
Самопознания в последнее время была причиной бурных дискуссий и в... Уважая его позицию, ученики Франкла, тем не менее, с согласия своего учителя ввели в научный обиход некий “эквивалент самопознания”,... |
|
Событие Рождества Христова и история Христианской Церкви до IV века 1 Своего Единородного, чтобы спасти человека. Это решение Божие было принято ещё до сотворения мира, в вечности, потому что у превечного... |
|
Владимир Антонов Как познаётся Бог. Автобиография учёного, изучавшего Бога Мастера Владимира Антонова. Автор рассказывает в том числе о своей учёбе у Божественных Учителей, о своих ошибках и успехах в... |
|
Методические материалы к курсу нлп-мастер Он не верил в принцесс, он не верил в острова, и он не верил в Бога. Отец принца, король, сказал ему, что таких вещей на свете не... |
|
A) В1: Станс 72 (ms no. 73) В1, станс 73. Деви кормит грудью своих двоих сыновей, шестиглавого Сканду, бога войны и слоноголового Ганешу, бога препятствий. Возле... |
 |
Тема цели и задачи Наблюдение за погодой своего края; изменение температуры воздуха; сезонная одежда и её значение для человека; первичная ответственность... |
|
К какому жанру литературы относится произведение «Вольга и Микула Селянинович»? Из какого произведения эти строки: «Гордости не имейте в сердце и в уме: смертны все, сегодня живы, а завтра в гробу; все, что мы... |
|
Тимоти Лири Семь языков бога Тимоти Лири. Семь языков бога Неужели два полушария нашего мозга и вдвое большая, чем необходимо, продолжительность жизни это ошибка переходного процесса? Неужели... |